(latınca - absorptio - udulma, hopma, canına çəkmə) 1) sorbatın (udulan) sorbentin (uducu) bütün həcmi ilə sorulması, qazın maye tərəfindən udularaq məhlul əmələ gətirməsi prosesi. Texnikada və kimyəvi texnologiyada qazların mayelər tərəfindən absopbsiyasında (udulmasında, həll olunmasına) çox rast gəlinir. 2) geniş mənada - bir xalqın digərini öz dominant mədəniyyətinə (assimilyasiyaya yaxın mənaya) cəlb etməklə ələ keçirməsi. Dar mənada yad mədəni təcrübələrin - mətbəxlərin və ənənələrin mənimsənilməsi, bu zaman götürülmüş elementlər xarici kimi qəbul edilmir. 3) bir ölkədən digər ölkəyə daimi yaşamaq üçün gələn imiqrantların iqtisadi həyata daxil olması.