(ingiliscə - e-Government) konstitusiyalı dövlətdə «dövlət xidmətlərinin təqdimatının avtomatlaşdırılması prosesi» kimi səciyyələndirilir. Dünya Bankı tərəfindən «elektron hökumət» «informasiya və kommunikasiya texnologiyalarından istifadə etməklə hökumətin səmərəliliyi, qənaətcilliyi və şəffaflığı artıran və onun üzərində ictimai nəzarət imkanları verən vasitə» kimi anlaşılır. İnformasiya texnologiyaları bazarında tədqiqat və konsaltinq kompaniyası olaraq ixtisaslaşmış «Gartner Group» «elektron hökumət»i «xidmətlərin təqdimatının fasiləsiz optimallaşdırması, ictimaiyyətin dövlət idarəetməsi və daxili proseslərdə iştirak səviyyəsinin artırılması məqsədi ilə texniki vasitələr, internet və müasir kütləvi informasiya vasitələri imkanlarından istifadə əsasında dövlət orqanlarının daxili və xarici münasibətlərinin dəyişdirilməsi» kimi müəyyən edir. «Elektron hökumət» müasir zamanda informasiya cəmiyyətinin əsas elementlərindən biri olaraq dünya hökumətlərinin fəaliyyətini gücləndirən, onların səmərəliliyini artıran təkmil innovativ mexanizmi kimi çıxış edir. Bu istiqamətdəki meyillər həyatın bütün sahələrinə nüfuz edir. O, korrupsiya və burokratiya ilə mübarizədə, rəsmi strukturların fəaliyyət şəffaflığının, ümumiyyətlə dövlət idarəetməsinin keyfiyyətinin yüksəldilməsində daha təsirli üsullardan birinə çevrilir.