(rusca - Межгосуда́рственный авиацио́нный комите́т, МАК - Dövlətlərarasi aviasiyya komitəsi, DAK) - keçmiş SSRİ-nin 11 dövlətinin - Azərbaycan, Qazaxıstan, Özbəkistan, Qırgızstan, Türkmənistan, Tacikistan, Rusiya, Ukrayna, Belaruc, Moldova və Ermənistanın mülki aviasiya və hava məkanından istifadə sahəsində dövlət funksiyaları və səlahiyyətlərinin həvalə olunduğu icra orqanı. 30 dekabr 1991-ci ildə dövlətlərarası “Mülki aviasiya və hava məkanından istifadə sahəsində saziş“ əsasında təsis edilmişdir. Hava gəmilərinin, aerodrom və aviaşirkətlərin sertifikatlaşdırılması və həmçinin hava nəqliyyatında qəzaların tədqiqi ilə məşğul olur. Təşkilat “АР МАК” aviaregistri aparır. Mənzil-qərargahı Rusiyanın paytaxtı Moskva şəhərində yerləşir. “Azərbaycan Respublikası Hökuməti ilə Aviasiya Hava Məkanından İstifadə üzrə Səlahiyyətli Nümayəndələrin Dövlətlərarası Şurası arasında onun Azərbaycan Respublikası ərazisində yerləşdirilməsi şərtləri haqqında” 6 noyabr 2014-cü il tarixində Bakı şəhərində Saziş imzalanmışdır.