(latınca - quantum - ”nə qədər” sözündən, ingiliscə - Quantum mechanics - Kvant mexanikası) hərəkətin “Plank sabiti”nə (kvant mexanikasında elektromaqnetik radiasiya kvantının - fotonun enerjisi ilə onun tezliyi arasındakı əlaqəni ifadə edən aid mühüm sabit) nisbətdə müqayisə olunduğu fiziki hadisələri təsvir edən nəzəri fizikanın bir bölməsi və həmçinin bu hadisələri ən elementar səviyyədə - hissəciklər səviyyəsində göstərən kvant nəzəriyyəsinin tərkib hissəsi. Əsası alman fiziki Verner Heyzenberq (1932-1976) tərəfindən qoyulub. Başlanğıcını alman fiziki Maks Plankın (1858-1947) 1900-cü ildə mütləq qara-cismin radiyasiyası və alman fiziki Albert Eynşteynin (1879-1955) 1905-ci ildə fotoelektrik effektinin kvant izahına dair nəzəriyyələrindən götürmüşdür. Kvant mexanikasının proqnozları klassik mexanikanın proqnozlardan əhəmiyyətli dərəcədə fərqlənə bilər. Əsasən mikroskopik miqyaslarda müşahidə olunan kvant mexanikası makroskopik ölçülü sistemleri yaxşı təsvir edən klassik mexanikadan fərqli olaraq molekul, atom, elektron və foton səviyyələrində bütün hadisələri, kondensə olunmuş mühitləri və elektron-nüvə quruluşlu sistemleri kifayət qədər yaxşı təsvir edə bilir. Kvant mexanikasının təzahürü ilə əlaqəli fenomen kvant effekti adlanır. Kvant mexanikasının riyazi aparatı iqtisad elmində, iqtisadi tədqiqatlarda da tətbiqini tapır.