(latınca - conceptio - anlaşma, sistem) islahatların, layihələrin, planların, proqramların həyata keçirilməsində hərəkət strategiyasını təyin edən başlıca niyyət, təbiətdə və cəmiyyətdə proses və hadisələrə yönəlik baxışlar sistemi. Konsepsiya bir-biri ilə bağlı və biri-birindən irəli gələn seçilmiş tapşırıqla bağlı kompleks baxışlar və həlli yolları sistemi kimi, həm də ümumi interpretasiyada hər hansı bir hadisənin, rəhbər ideyanın, əsas nəzər nöqtəsinin şərhini, habelə nəzəri quruluşunu müəyyən edən anlaşma üsulu, həmçinin elmi, bədii, texniki, siyasi və digər növ fəaliyyətlərdə konstruktiv prinsip, aparıcı yanaşma olaraq da çıxış edir. Müxtəlif konsepsiyalara öz terminoloji aparatı uyğundur.