(ingiliscə - shale gas - şist qazı, qaya qaz) yanar şistlərdən hasil edilən, üstün olaraq metadan ibarət təbii qaz növü. Şist yataqlarında ilk qaz buruğu 1821-ci ildə ABŞ-da “təbii qazın atası” sayılan Vilyam Hart tərəfindən qazılmışdır. Onun miqyaslı istehsalı isə 2000-ci illərin əvvələrində Devon Energy şirkəti tərəfindən ABŞ-da Barnett (Texas) yatağında başlanmışdır ki, bu hadisə də mətbuat tərəfindən “qaz inqilabi” kimi adlandırılmışdır. Hazırda dünyada şist qazının ehtiyatları 200 trilyon m³ hesablanır. Hasilat çətinlikləri, texnoji problemlər onun maya dəyərinin  təbii qazdan artıq olmasına gətirib çıxarır.