(latınca - reddita - qayıdış) 1) sahibinin sahibkarlıq fəaliyyəti göstərmədən, əlavə xərclər çəkmədən torpaq, əmlak və kapitalın istifadəsindən əldə etdiyi gəlir; 2) şığorta təşkilatı tərəfindən sığortalanmış şəxsə hər il ödənilən pul məbləği. Müasir mərhələdə renta əski keyfiyyətlərini aşaraq istənilən mülkiyyətdən gəlirlərə şamil olunur. İcarə münasibətlərində - baza, ölçü, sığortada - start, birbaşa hibrid, dövlət istiqrazlarının buraxılışında - dövlət, torpaqla bağlı - torpaq, mütləq, diferensial, inhisarçı, qiymətli kağızlar bazarında - qeyd olunmuş, natural, resursların bazara çıxışında - inframarjinal və digər renta formaları və onların ayrı-ayrı modifikasiyası, istehlak və iqtisadi tipləri də mövcuddur. Renta mükafat olmaqla xərclərin dəyəri ilə bazar qiymətləri arasında fərq kimi böyük səylərin, ustalığın nəticəsi deyil, sadəcə, mirasdan qaynaqlanır. Hər bir istedadlı adamın, mütəxəssisin biliyi rentadır. Bir çox istedadlı insanlar xüsusi bacarığa malik olmaqla müasir iqtisadiyyatda yüksək qiymətləndirilir. İncəsənət, idman və digər unikal sənət adamları xüsusiləşdiyi ixtisasdan kənarda daim qazandıqlarının çox az hissəsi müqabilində pul əldə edə bilərlər. Belə fərqlilik torpaqda olduğu kimi, burada da xalis rentanı verir.