milli valyutanın möhkəmləndirilməsi, pul tədavülünün pisləşməsinin qarşısının alınması və pul vahidinin stabilləşdirilməsi məqsədi ilə dövlət tərəfindən ölkənin pul sisteminin köklü şəkildə yenidən qurulması. Pul islahatlarının əsas formaları: nominal dəyəri saxlamaqla pul nişanlarının yeniləri ilə tam və qismən əvəzlənməsi; pul vahidlərinin iriləşdirilməsi formasında denominasiya; pul vahidlərinin iriləşdirilməsi, eyni zamanda, onların dəyişdirilməsi və hətta pul vahidinin dəyişdirilməsi formasında denominasiya; ölkənin pul vahidinin birdəfəlik devalvasiyası və ya revalvasiyası.