(latınca - commūnis - ümumi) - tam bərabərlik, istehsal vasitələri üzərində ictimai mülkiyyətə əsaslanan hipotetik ictimai-iqtisadi cəmiyyət tipi. “Hər kəsdən bacarığına görə, hər kəsə tələbatına görə” tezisi kommunizmin əsas prinsipidir. İkili fazanı (mərhələni) “sosializm” və “kommunizm”i əhatə edir. Marksist tipli sosializm keçmiş SSRİ, bir sıra Şərqi Avropa ölklərində mövcud olmuş, ÇXR-də, KXDR, Kuba və Veytnamda hələ də yaşamaqdadır. Kommunizm quruluşuna dünya təcrübəsində hələ rast gəlinməyib.