(ingiliscə - global financial market - dünya maliyyə bazarı) - dünya borc kapitalı bazarının bir hissəsi olaraq, müxtəlif ölkələrin kreditorları və borc alanlarının kapitala yönələn tələb və təklifinin məcmusu. Fond bazarı və ya qiymətli kağızlar bazarı dünya maliyyə bazarının seqmentlərindən biri kimi çıxış edir. Dünya maliyyə bazarı XIX əsrin sonuna kapital ixracının başlanması ilə inkişaf etmişdir. Müstəqil pul vəsaitlərinin bir yerə cəm olması və onların ayrı-ayrı sahələr, ölkələr və regionlar arasında dünya miqyasında yenidən paylaşdırılması və istehsalın inkişaf sürəti ilə effektivliyinin artırılması dünya maliyyə bazarının əsas funksiyalarını ehtiva edir. Dünya maliyyə bazarı ilkin və ikinci dərəcəli bazar növlərinə təsnifatlandırılır.