(ingiliscə - international straits - beynəlxalq dəniz dibi rayonu) - dəniz və okean sularını birləşdirən və bütün dövlətlər tərəfindən bərabər əsasda beynəlxalq gəmiçilik və hava naviqasiyası üçün istifadə edilən təbii dəniz keçidləri. Açıq dənizin hissələrini birləşdirən boğazlarda gəmiçilik və uçuş azadlıqları mövcuddur. Ərazisi beynəlxalq boğazlarla bağlı olan dövlətlərdə isə tranzit keçid hüququ tətbiq edilir. Bu zaman gəmiçilik və uçuş azadlığı yalnız boğazdan fasiləsiz və tez tranzit məqsədi üçün həyata keçirilir. Beynəlxalq dəniz konvensiyasına görə, müvafiq hüquqi rejimi qüvvədə olan müqavilələrlə tənzimlənən beynəlxalq boğazlara (Qara dəniz, Baltik və Cənubu Amerikadakı Magellan boğazları) şamil olunmur. Beynəlxalq boğazlara Pa-de-Kale, La-Manş, Cəbəllütariq, Sinqapur, Ormuz və digərləri aid edilir.