(fransızca - Convention du Mètre - Metrik Konvensiya) müxtəlif ölkələrdə metroloji standartların vəhdətini təmin edən beynəlxalq müqavilə. 1875-ci ildə Parisdə 17 ölkə tərəfindən imzalanmışdır. Hazırda konvensiyaya 60 dövlət tam hüquqlu, 42 isə o, cümlədən Azərbaycan assosiativ üzv olaraq qoşulmuşdur. Sənayecə inkişaf etmiş bütün ölkələr konvensiyanın üzvləridirlər. Metrik konvensiyaya uyğun olaraq Beynəlxalq Ağırlıqlar və Ölçülər Bürosu (Bureau International des Poids et Mesures, BIPM) və Beynəlxalq Ağırlıqlar və Ölçmə Komitəsi (Comité International des Poids et Mesures, CIPM) təsis edilmiş və bununla bağlı çəkilər və ölçülər haqqında baş konfranslar çağırılır (Conférence Générale des Poids et Mesures, CGPM). Həmin beynəlxalq təşkilatların vəzifəsi metrologiya sahəsində standartlaşdırma məsələlərini həll olunmasına yönəlmişdir.