(ingilscə - “Heat energy” - “İstilik enerjisi”) cismi təşkil edən atomların, molekulların və ya digər hissəciklərin hərəkəti ilə bağlı enerji forması. İstilik enerjisi qeyri-dəqiq bir məhfumdur. Belə ki, istilik iş kimi enerji növü olmayıb yalnız ötürülmənin vasitəsidir. O, maddənin struktur elementlərinin - atomlar, molekullar və ya yüklənmiş hissəciklər mexaniki titrəyişlərinin (ümumi kinetik) enerjisidir. İstilik enerjisi coulla ölçülür. İstilik enerjisi kimyəvi (yanma), nüvə (nüvənin bölünməsi, nüvə sintezi), mexaniki qarşılıqlı təsirlər (sürtünmə) sayəsində yarana bilər. İstilik istilikkeçiricilik, konveksiya və ya şüalanma vasitəsilə ötürülə bilər.