ingiliscə - energy audit - enerji auditi) müxtəlif növ enerjilərin və enerji daşıyıcılarının, yanacağın və suyun dəyəri ilə əlaqəli müəssisənin bütün aspektlərinin qiymətləndirilməsini əhatə edən audit növü. Enerji auditi müəssisə və təşkilatların enerji enerji müayinəsi kimi də anlaşılır və dünya təcrübəsində geniş şəkildə tətbiq olunan bir enerji səmərəliliyi aləti olaraq çıxış edir. Enerji auditi müəssisələrdə enerji effektivliyinin artırılması imkanlarının öyrənilməsi, qeyri-rasional enerji istehlakı mənbələrinin və əsassız enerji itkilərinin müəyyən olunması, ətraf mühitə atılan istixana qazı emissiyalarının miqdarının aşkar edilməsi, kompleks enerji qənaət proqramının hazırlanmasını və onunla bağlı tədbirlərin həyata keçirilməsi kimi məqsədləri etiva edir. Audit fəaliyyəti audit müəssisləri ilə sifarişçilər arasında bağlanmış müqavilə əsasında akkreditasiya olunmuş fiziki və ya hüquqi şəxslər tərəfindən həyata keçirilir. Bir qayda olaraq iri enerji istehlakıçıları olan müəssisələrdə müvafiq auditin aparılması məcburi, digər müəssisələrdə isə könüllü xarakter daşıyır.