(ingilcə - circular economy - dairəvi iqtisadiyyat, cyclic economy - tsiklik iqtisadiyyat, closed-loop economy - qapalı dövrə iqtisadiyyatı) bərpaolunan resurslara, mənbələrin yeniləşməsinə əsaslanan, ənənəvi xətti iqtisadiyyata alternativ olan iqtisadiyyat. Fövqündə təbiət və insan dayanır. Dairəvi iqtisadiyyat regenerativ ekoloji təmiz istehsala, enerji qənaətinə, dövriyyə və istehlaka yönəlmiş iqtisadi fəaliyyətdir. O, iqtisadiyyat, resurslar və ətraf mühit arasında tarazlıq yaratmaqla iqtisadiyyatın ənənəvi modelini əvəzləyən bir təməldir. Dairəvi iqtisadiyyatda mənbələrdən mümkün qədər uzun müddət istifadə olunur, istifadə zamanı onlardan maksimum dəyər çıxarılır. Dairəvi iqtisadiyyatda məhsulun, material və resursursların dəyəri mümkün qədər uzunmüddətli saxlanılır, tullantıların yaranışı minimuma endirilir, onlardan (məhsul və resurslar) dairə üzrə istifadə olunur.