(ingiliscə - Society for Worldwide Interbank Financial Telecommunications, SWIFT - Ümumdünya Banklararası Maliyyə Telekommunikasiya Sistemi, SVİFT) məlumat ötürülməsi və ödənişlərin həyata keçirilməsi üzrə beynəlxalq banklararası sistem, nəhəng banklararası sistemin informasiya mübadiləsinə nəzarət edən beynəlxalq təşkilat. SVİFT kimi tələvvüz olunur, “SWIFT-BIC”, “BIC code”, “SWIFT ID” və ya “SWIFT code” kimi kod adları ilə də tanınır. Biznes-identifikatorlar adlanan (BİC - Bankın identifikator kodları) bu kodlar sadəcə “SVİFT kodlar” adlanaraq müxtəlif maliyyə təsisatları arasında ünisyyətin sadələşdirilməsinə xidmət edir. SVİFT sistemi ilə maliyyə təsisatlarına bütün dünyada maliyyə əməliyyatları haqında məlumatların standartlaşdırılmış, təhlükəsiz və etibarlı formada göndərilməsi və alınması təmin olunur. 1973-cü ildə 19 ölkənin 248 bankının təsisçiliyi ilə Belçika qanunvericiliyi tərəfindən yaradılmış kooperativ cəmiyyətdir. İlk trazakiyaların göndərişinə 1977-ci ildən başlanılmışdır Hazırda 209 ölkədədən 11 mindən çox maliyyə institutu, o cümlədən mindən çox korporasiya təşkilatın üzvüdür. Sistem istifadəçiləri arasında məlumatların gündəlik orta dövriyyəsi 15 milyon təşkil edir. Hər gün SVİFT vasitəsi ilə pul köçürmələri, baklararası ödənişlər, qiymətli kağızlar üzrə milyondan çox tranzaksiyalar keçirilir. Burada il ərzindən keçən ödəniş tapşırıqlarının sayı 4 milyarddan çoxdur. Baş qərargahı Belçikanın paytaxtı Brüssel şərərində yerləşir.