(ingiliscə - public entity - ictimai şəxs) dövlət və bələdiyyə adından və ya onun özü tərəfindən yaradılan, ümumdövlət və ictimai əhəmiyyət daşıyan fəaliyyətlə məşğul olan, dövlət və ya bələdiyyə orqanı olmayan təşkilat. Publik hüquqi şəxs hüququ ümumdövlət və ya ictimai maraqların təmin edilməsi ilə bağlı olan münasibətləri tənzimləyən hüquq normalarının məcmusu publik hüquqa əsaslanır. Doktrina olaraq iki əsr öncə Fransada inzibati dövlət quruculuğu çərçivəsində təşəkkül tapıb və XIX əsrin axırları və XX əsrin əvvələrində bir sıra Avropa ölkələrində, xüsusən də, Almaniyada tətbiq olunub. Postsovet məkanında publik hüquqi şəxslərlə bağlı qanunlar Baltik ölkələri, Ukraynada, Moldovada və Gürcüstanda mövcuddur. 2015-c ildə Azərbaycanda da publik hüquqi şəxslər haqqında qanun qəbul edilmişdir.