(ingiliscə - Value Added Tax, VAT - əlavə dəyər vergisi, ƏDV) əmtəə və xidmətlərin (məhsul) bütün istehsalı mərhələsində yaranaraq həmin məhsulların reallaşmasından dəyər artımının bir hissəsi kimi büdcəyə köçürülən istehlak vergisi növü. Azərbaycan Respublikasının Vergi Məcəlləsində “Əlavə dəyər vergisi” vergi tutulan dövriyyədən hesablanan verginin məbləği ilə verilən hesab-fakturalara və ya idxalda ƏDV-nin ödənildiyini göstərən sənədlərə müvafiq surətdə əvəzləşdirilməli olan verginin məbləği arasındakı fərq kimi təsbir olunmuşdur.