(ingiliscə - Gross Domestic Product - Ümumi Daxili Məhsul) - istehlak, investisiya, dövlət satınalmalarını (idaxal-ixrac) özündə birləşdirərək iqtisadi inkişaf səviyyəsini xarakterizə edən başlıca iqtisadi indikator kimi ay, rüb, əsasən də, bir il ərzində ölkədə istehsal olunan bütün son əmtəə və xidmətlərin məcmu bazar dəyərinin ifadə edən makroiqtisadi göstərici. Dünya üzrə ÜDM il ərzində iqtisadiyyatda son məhsul - əmtəə və xidmətlər həcminin dəyərini göstərməklə həmin ölkənin dünya təsərrüfatlararası əlaqələr sistemində yerini, onun inkişaf etmiş və ya inkişaf etməkdə olan ölkələr kateqoriyasına aid olmasını təyin etməyə imkan yaradır. Dünya üzrə məcmui ÜDM ABŞ dolları əsasında hesablanır.