(yunanca - techne - sənət, ustalıq, bacarıq və logos - söz, təlim, öyrənmə) iqtisadi resurslardan əmtəə və xidmətlərin istehsalı üçün istifadə olunan biliklər məsmusu. Texnologiya maddənin enerjiyə çevrilməsi, informasiyanın hazırlanması, ötürülməsi, materialların emalı, hazır məhsulun yığılması, keyfiyyətə nəzarət, idarəetmə və s. bu kimi təyinatları ehtiva edir. Texnologiya həm daxili xassələrinin tərkibi, həm də onların təzahür formalarına görə spesifik əmtəədir. Bu əmtəənin əmək prosesi və onun nəticələri təkrar istehsal edilmir. Onun üçün hər hansı birbaşa təbii ölçü vasitəsi mövcud deyildir. Texnologiya yalnız keyfiyyət fərqi məxsusdur və o öz məzmununa görə təkrarsızdır. Texnologiya istehsalçısı kəşfin və ya ixtiranın istifadəsində inhisar hüququna malikdir ki, buna adətən mühafizə sənədi - patent verilməsi ilə nail olunur.