(ingiliscə - of/off - ordan, schore - sahil, tam mənada sahildənkənar) sahibkarlıq fəaliyyəti, bir qayda olaraq, həmin dövlətin hududlarından kənarda həyata keçirilən qeyri-rezident kompaniya üçün xüsusi imtiyazlı qeydiyyat, lisenziyalaşdırma, vergiqoyma rejiminin hakim olduğu dövlətin ərazisi və ya onun hissəsi. Bir sıra ölkələrdə ofoşor zonanın təyinatı üçün “vergi sığınacağı”, “vergi körfəzi” və ya “vergi cənnəti” kimi terminlərdən də istifadə olunur. Termin İkinci Dünya müharibəsindən sonra Qərbi Avropa ölkələrinə ABŞ-ın «Marşall» planı üzrə yadımı nəticəsində yaranmışdır. Bu plana görə, ABŞ-la aktiv əməkdaşlıq edən ölkələrə yardım edilmiş, istehsal etdikləri mallar dollar hesabı ilə alınmış və onların büdcə təsisatları subsidiyalar, istiqrazlar vasitəsi ilə müdafiə olunmuşdur. Müasir zamanda “ofşor zona” terminindən, həmçinin azad iqtisadi və maliyyə zonaları, kontinental şelfdə neft-qaz hasilatını reallaşdıran kompaniyalar mənasında da istifadə olunur.