(yunanca - motif, latınca - moveo - hərəkət edirəm) - insanların davranışlarını idarə edən, onları hərəkətə sövq edən, təşkilatlandıran, istiqamətləndirən dinamik psixi-fizioloji proses. Psixoloqlar motivasiyanı daxili və xarici olmaqla, iki hissəyə ayırırlar. Daxili motivasiya özünün imkanlarını reallaşdırmaq, bilik və bacarığını inkişaf etdirməklə əlaqəlidir. Xarici motivasiya isə kənar faktorların, əsasən, əmək şəraiti, sosial təminatlar, karyera, mükafatlandırma ilə bağlıdır. Motivasiyanı stimul və motivlər əhatə edir. Stimul, adətən, maddi təminatla əməkhaqqında ifadə olunur. Motivə isə daxili təhriketmə gücü, istək, oriyentasiya və sair aiddir. Təcrübə göstərir ki, səmərəlilik burada hər iki faktoruın müvafiq toplumunda daha yüksəkdir.