(ingiliscə - export-oriented model - ixrac yönümlü model) konyukturaya uyğun olaraq istehsal prosesinin dünya bazarına rəqabətqabiliyyətli məhsulun çıxarılması üzərində qurulan inkişaf strategiyası. İxrac yönümlü modelin mühüm üstün cəhəti ondan ibarətdir ki, bu zaman ölkə dünya təsərrüfatına inteqrasiya olunur, dünya resursları və mütərəqqi texnologiyalarına giriş əldə edir. Bununla da o, digər sahələrin inkişafında multipkatip effektlər yaradan rəqabətqabiliyyətli istehsal qurur. Nəticədə isə xəzinəyə əlavə valyuta axını təmin edilərək milli iqtisadiyyatın digər sahələri investisiyalaşdırılır. Bu modelə uğurlu praktiki nümunə kimi Yaponiya və Cənubi Koreyanı, Çin və Çilini, «Asiya pələngləri» - Malayziya, Tailand və Sinqapuru, həmçinin xammal məhsulunda əks olunuan ixrac yönümlü sənaye siyasəti aparanlar sırasında Meksika, Venesuella və bir sıra Afrika ölkələrini fərqləndirmək olar.