(ingiliscə - Dutch disease - Holland xəstəliyi)  digər ixrac mallarının reallaşmasına məhdudiyyətlər yaradan və ixrac məhsuluna nisbətdə yerli istehsallı məhsulun rəqabətqabiliyətliyinin enməsinə aparan hər hansı bir əmtəə və ya əmtəələr qrupunun xalis ixracının artması ilə milli valyuta kursunu yüksəlməsini təsəssüm etdirən iqtisadi hadisə. İqtisadi fenomen olaraq Hekşer-Olin nəzəriyyəsinə əsaslanır. Praktik müstəvidə böyük neft hasilatçısı olan bir sıra ölkələrdə, daha təsiredici formada isə Hollandiyada baş vermişdir. İzafi qaz potensialını ixracata yönəltməklə büdcəni və iqtisadiyyatını bilməyərəkdən müvafiq resursun inhisarına buraxan Hollandiyada gəlir artımı qeyri-ticari əmtəənin istehsal tələbinin genişlənməsinə gətirmiş, ənənəvi ixracatyönümlü emal sənayesi sahələrində isə istehsal məhdudlaşmış və nəticə ölkədə çatışmayan əmtəələrin idxalının yüksəlişinə səbəb olaraq davamlı böhranla müşaiyət olunmuşdur. “Holland sindromu” ayrı-ayrı zamanlarda müxtəlif səviyyədə Norveç, İngiltərə, Meksikada yaşanmışdır.