UOT 330.15:338.1:330.356: (479.24)

AZƏRBAYCANIN TƏBİİ SƏRVƏTLƏRİNİN YENİ İNKİŞAF MƏRHƏLƏSİNDƏ İQTİSADİYYATA TƏSİR EFFEKTİVLİYİNİN

TƏHLİLİ VƏ QİYMƏTLƏNDİRİLMƏSİ

Hacızadə Elşən Mahmud oğlu

i.e.d., prof. Azərbaycan Dövlət İqtisad Universiteti

Az 1001, İstiqlaliyyət küç., 6

elshan@hajizada.com

Xülasə

Tədqiqatın məqsədi - Azərbaycanın təbii sərvətlərinin geniş çevrədə elmi-metodoloji təsnifatlandırılması, yeni inkişaf mərhələsində təhlili və qiymətləndirilməsi və onların milli iqtisadiyyata təsir effektivliyinin əsaslandırılmasından ibarətdir.

Tədqiqatın metodologiyası - amilli yanaşmada qruplaşdırma və müqayisəli təhlil metodlarına əsaslanır.

Tədqiqatın nəticələri - başlıca olaraq Azərbaycanın təbii sərvətlərinin təhlili və qiymətləndirilməsi üzrə müvafiq ümumiləşdirmələrin yerinə yetirilməsi və yeni inkişaf mərhələsində onların iqtisadiyyata davamlı təsirinin əsaslandırılması ifadə edir.

Tədqiqatın məhdudiyyətləri - qiymətləndirmələrdə metodoloji yanaşma çoxşaxəliyi və təhlil edilməli materialın tutumluluğu ilə əlaqədər müvafiq informasiyaların həcmli sıxlaşdırılması zərurəti ilə xarakterikdir.

Tədqiqatın praktiki əhəmiyyəti - Azərbaycanın təbii sərvətlərinin milli iqtisadi inkişafda rolunu səciyyələndirən müasir əyani material və həmçinin bu istiqamətdə müvafiq alternativ təhlili və qiymətləndirilmələrin aparılmasında işlənmiş tədqiqat mənbəyi kimi istifadə imkanlığı ifadə edir.

Tədqiqatın orijinallığı və elmi yeniliyi - yeni inkişaf mərhələsində Azərbaycanın təbii sərvətlərinin ilk dəfə geniş strukturda elmi-metodoloji təsnifatlandırılması və onların iqtisadiyyata təsirinin əhəmiyyətliliyinin qiymətləndirilməsi səciyyələndirir.

Açar sözlər: Azərbaycan iqtisadiyyatı, Xəzər dənizi, təbii sərvətlər (təbii resurslar), neft-qaz sektoru, faydalı qazıntılar.