UOT 338.47:339.56 (510):(479.24)

“BİR QURŞAQ, BİR YOL” STRATEGİYASI VƏ

AZƏRBAYCAN - ÇİN MÜASİR NƏQLİYYAT ƏLAQƏLƏRİ

Hacızadə Elşən Mahmud oğlu

i.e.d., prof., Azərbaycan Dövlət İqtisad Universiteti

Az 1001, İstiqlaliyyət küçəsi 6

elshan@hajizada.com

Xülasə

Tədqiqatın məqsədi - çinin tarixi İpək yolunun bərpası istiqamətində irəli sürdüyü “Bir qurşaq, bir yol” strategiyasının və Azərbaycan - Çin müasir nəqliyyat əlaqələrinin təhlili və qiymətləndirilməsi, habelə Azərbaycanın tranzit potensialından səmərəli istafadəsi üzrə təkliflərin irəli sürülməsi.

Tədqiqatın metodologiyası - sistemli yanaşma, amilli və müqayisəli təhlil metodları.

Tədqiqatın nəticələri - “Bir qurşaq, bir yol” strategiyası kontekstində Azərbaycan - Çin nəqliyyat əlaqələri perspektivlərinin qiymətləndirilmiş və Azərbaycanın tranzit potensialından səmərəli istafadəsi üzrə əsaslandırılmış təkliflər irəli sürülmüşdür.

Tədqiqatın məhdudiyyətləri - regional nəqliyyat strategiyaların reallaşması ilə əlaqədar meyillər dəyişkənliyinin mövcudluğu.

Tədqiqatın praktiki əhəmiyyəti - Azərbaycan - Çin iqtisadi əlaqələrinin dərinləşdirilməsi və Azərbaycanın tranzit potensialından səmərəli istifadə üzrə strategiya və konsepsiyaların hazırlanmasında istifadə imkanlığı.

Tədqiqatın orijinallığı və elmi yeniliyi - yeni və tarixi İpək yolu mövzusunda müasir araşdırmalar üzrə ümumiləşdirmələrin aparılması və Azərbaycanın tranzit potensialı haqqında yeni qiymətləndirmələrin verilməsi.

Açar sözlər: İpək yolu, TRACECA, nəqliyyat, tranzit, vergilər