Xülasə

Məqalə ölkələrin iqtisadi inkişaf göstəriciləri üzrə aparıcı qlobal reytinq təyinetmə təşkilatları tərəfindən hazırlanan müvafiq hesabatların mahiyyəti, metodologiyası və mexanizmlərinə, həmçinin bu hesabatlarda Azərbaycan Respublikasının tutduğu mövqe ilə bağlı araşdırmalara həsr olunmuşdur. Qarşıya qoyulan məqsədə nail olmaq üçün məqalənin mətni - ölkələrin iqtisadi inkişaf göstəricilərinin xarakteristikası, onların qlobal reytinqlər üzrə dəyərləndirilməsi və müvafiq qlobal indekslər kontekstində Azərbaycanın dünya dövlətləri təsnifatında yeri kimi tədqiqat istiqamətlərini əhatə edir. Azərbaycanda sürətli inkişaf dinamizmini təcəssüm etdirən həmin reytinqlərdə onun bir çox sosial-iqtisadi göstəriciləri ilə dünya dövlətləri sırasında mötədil mövqedə dayanması və həyata keçirilən inkişaf strategiyası ilə isə yaxın və orta perspektivdə ən güclü 45-35 ölkə sırasında qərar tutması imkanları əsaslandırılır.

Açar sözlər: Azərbaycan iqtisadiyyatı, ölkənin iqtisadi inkişafı, beynəlxalq reytinqlər.