(ingilscə - cetane number, cetane rating - setan ədədi, setan reytinqi) dizel yanacağının alışma qabiliyyətini xarakterizə edən əsas göstəricisi (α-metilnaftalinlə qarışıqda olan setanın miqdarına bərabər). İşçi qarışığın (təzə yükləmənin) yanmasının ləngimə müddətini (yanacağın silindrə püskürdüldüyü andan onun alışmağa başlamasına qədər müddət) təyin edir. С₁₆Н₃₄ heksadekanın setan ədədi 100 qəbul olunur. Setan ədədi nə qədər yüksəksə, gecikmə də o qədər az olur və yanacaq qarışığı daha sakit və rəvan yanır. Müasir dizel mühərriklərinin optimal işini 45-dən 55-dək setan ədədli dizel yanacaqları təmin edir. Setan ədədli 40-dan az olduğu halında yanmanın ləngiməsi kəskin yüksəlir və yanma kamerasında təzyiqin artması mühərrikin aşınmasını sürətləndirir.