(ingiliscə - carbon dioxide - karbon qazı) havadan ağır, rəngsiz, iysiz qaz, karbon (IV) oksid, karbonun, baş oksidi karbon dioksid - CO₂. Yanmır və yanmaya kömək etmir, yanmanın qarşısını alır. Zəhərli deyil, lakin havada normadan çox olması orqanizmə zəhərləyici təsir göstərərək hipoksiyaya səbəb olur. Sıxlığı 0,0019 q/sm3-dir, -56,6°C-də mayeləşir, - 78,5 ºC-də mayeləşmədən birbaşa bərk hala keçərək qaraoxşar ağ kütləyə - “quru buz”a çevrilir. 2000°C-dən yuxarı temperaturda dissosiasiya olunaraq, karbon 2-oksidlə və oksigenə ayrılır. Havanın həcmcə 0,03%-i SO₂-dir. Hidrosferdə miqdarı 1,4-1014 tondur. Bitkilər-fotosintez prosesində havadan CO₂ alır. İnsan və heyvan orqanizmində CO₂ tənəffüs və qan dövranının tənzimlənməsində iştirak edir. Tərkibində 1,5-3% CO₂ olan hava ilə bir neçə gün nəfəs aldıqda qusma və başgicəllənmə, 6%-dən çox olduqda isə ürəyin fəaliyyətini zəifləyir və həyat üçün təhlükəli vəziyyət yaradır. Hidrogenlə Mis 2-oksidin vasitəsilə reaksiyaya girib metana çevrilir. Közərdilmiş kömürlə reaksiyadan (CO₂ + C = 2CO) metallurgiyada geniş istifadə olunur. Həmçinin neftin çıxarılmasında, pensilin istehsalında, mədənlərdə partlayıcı maddələrin soyudulmasında, yanğının söndürülməsində tətbiq olunur. Karbon qazı pivə, şəkər, soda, qazlı içkilərin, karbamidin, yuyucu vasitələrin istehsalında, quru buzun alınmasında istifadə olunur.