(ingiliscə - Schools of economic thought - iqtisadi düşüncə məktəbləri) iqtisadi fikrin müxtəlif istiqamətlərinin öz nümayəndələri və ardıcıllarının nəzəri araşdırmalar və baxış sistemləri. Onlar öz konsepsiyasını əsaslandıran və cəmiyyətin iqtisadi inkişafının əsas qanunlarını izah etməyə və cəmiyyətin gələcək inkişafı üçün mənfi proseslərin aradan qaldırılması ilə bağlı öz yollarını təklif etməyə səy göstərirlər. İqtisadi nəzəriyyənin 8 iqtisadi məktəbi vardır: 1. Merkantilizm (İnkişaf tarixi - 16-17-ci əsrlər, Nümayəndələr - Tomas Man Antuan de Monkretyen (1576-1621), Fransa); 2. Fiziokratlar (İnkişaf tarixi - 18-ci əsr, Nümayəndələr - Fransua Kene (1694-1774) və Ann Robert Türgo (1727-1781), Fransa); 3. Klassik siyasi iqtisadiyyat (İnkişaf tarixi - 18-ci əsrin sonu - 19-cu əsrin birinci yarısı, Nümayəndələr - Adam Smit (1723-1790) Şotlandiya, Krallıq Böyük Britaniya); 4. Marksizm (İnkişaf tarixi - 19-cu əsrin ikinci yarısı və 20-ci əsr, Nümayəndələr - Karl Marks (1818-1883) Prussiya Krallığı); 5. Neoklasik iqtisadi nəzəriyyə (İnkişaf tarixi - 19-cu əsrin sonu - 21-ci əsrin əvvəli, Nümayəndələr - Alfred Marşal (1842-1924) Böyük Britaniya); 6. Keynesianlıq (İnkişaf tarixi - 20-ci əsr - 21-ci əsrin əvvəli, Nümayəndələr - Con Keynis (1883-1946) Böyük Britaniya); 7. İnstitusionalizm (İnkişaf tarixi - 20-ci əsr - 21-ci əsrin əvvəli, Nümayəndələr - Jon Helbret (1908-2006) ABŞ); 8. Monetarizm (İnkişaf tarixi - 20-ci əsr - 21-ci əsrin əvvəli, Nümayəndələr - Milton Fridman (1912-2006) ABŞ);