(ingiliscə - Inclusive Development Index, IDI - Inklüziv Inkişaf Indeksi) özündə ölkənin iqtisadi tərəqqisini qiymətləndirən meyarları əks etdirən alternativ sistem olaraq Beynəlxalq İqtisadi Forum tərəfindən işlənmiş indeks. Multiparametrli göstərici kimi İnklüziv İnkişaf İndeksi 3 qrupda (hər birində 4 göstərici olan) 12 indikatoru birləşdirir. Birinci artım və inkişaf (əhatə edir - ÜDM artımını, məşğulluğu, əmək məhsularlığını, gözlənilən ömür müddətini), ikinci inklüzivlik (ev təsərrüfatlarının median - orta gəliri, yoxsulluq və qeyri-bərabərlik səviyyəsi) və üçüncüsu, nəsillərarası ədalət və davamlılıq (qənaətcilik səviyyəsi, demoqrafik yük, dövlət borcu və ətraf mühitin çirklənməsi). Belə yanaşma iqtisadi inkişafın mənzərəsini daha tam tərənnüm edir (əgər onun məqsədi əmtəə və xidmətlərin istehsal artımı deyil, əhalinin həyat səviyyəsinin davamlı yüksəlişidirsə). Ekspertlər İnklüziv İnkişaf İndeksini inqilabi adlandıraraq onu planetin baş makroiqtisadi göstəricisi - ÜDM-lə əvəzləmək niyyətindədirlər. 2018-ci ildə Azərbaycan mümkün 8 baldan 4,69 bal toplamaqla bu göstərici üzrə inkişaf etməkdə olan ölkələr arasında 3-cü yeri (Litva və Macarıstandan sonra) tutumuşdur. İnkişaf etmiş ölkələr sırasında isə İslandiya və Leksemburqu 0,1 bal geridə qoymaqla 6,08 balla Norveç lider olmuşdur.