(yunanca - ἄσφαλτος, asfaltos - dağ qətranı ingiliscə - asphalt - asfalt) üzvü maddələrin (bitum) mineral materiallarla (çınqıl və qum) qatışıqlı, təbii rəngi qəhvəyi və qara olan karbohidrogen birləşməsi. Asfalt təbii və süni mənşəli olur. Təbii dağ asfalt 60-75%, süni asfalt isə 13-60% bitum tərkiblidir. Əsasən su buraxmaz və elektroizolyasiya materialı kimi avtomobil yollarında örtük düzəltmək üçün istifadə olunur. Asfalt həmçinin dam örtüklərinin, suvaqların, yapışqanların, lakların və s. hazırlamasında gərəkli materiallardan hesab edilir. Ən yüksək keyfiyyətli asfaltdan rəssamlıq işində və litoqrafiyaların yaradılmasında istifadə olunur.