(qədim yunaca - στρατηγία - sərkərdəlik sənəti) məqsədlərə nail olmanın hərtərəfli mükəmməl planı. Strategiya ilk mənasında müharibə haqqında, daha dəqiq desək, sərkərdəlik sənəti haqqında elm deməkdir. Strategiya mövcud situasiyada resurslar məhdudlaşdığı halda əsas məqsədə birbaşa nail olmada zəruri hərəkətlər üsulu kimi işlənir. Strategiya müvafiq istiqamətli siyasətinin konkretləşməsi, hərəkətin təşkilinin optimal metodları ilə zəruri resurslar və mümkün potensial imkanlar müqabilində məqsədə seçilmiş yolla nailolma və bu zəmində onun işçi sənədinə çevrilməsini ehtiva edir. Struktur kompozisiyada strategiya plan, idarəetmə sənədləri, qrafiklər, büdcə və digər bu kimi zəruri elementləri özündə birləşdirən modernizasiya və köklü yenidənqurmanın fəaliyyət proqramını əsaslandırır. Strategiyanın əsas məqsədinə tabe olaraq onun reallaşması aləti kimi taktika çıxış edir. “Resurslar - məqsəd” oxu üzərində qurulularaq aralıq taktiki məsələlərin həlli ilə strategiyada əsas məqsədə nail olunur. Onun səmərəli reallaşması üçün dolğun informasiya təminatı, aydın metodologiya, dəqiq cəbrihesablamalar gərəkdir.