(latınca - navigatio - gəmidə üzürəm) - 1) gəmiçilik elminin bir bölməsi - predmetini gəmilərin müasir dəniz alətləri, cihaz və radiotexniki vasitələrdən istifadə etməklə istənilən hidrometeroloji şəraitdə və sutkanın bütün saatlarında nisbi əlverişli yollarla hərəkətinin təhlükəsiz idarə edilməsinin nəzəri əsaslarının və praktiki metodlarının öyrənilməsi təşkil edir; 2) dənzçilik, gəmi hərəkəti; 3) konkret rayonda gəmi hərəkəti üzrə iqlim xüsusiyyətləri və texniki imkanların təminatı ilə şərtlənən təqvim günləri. Uzun illər termin gəmiçiliklə bağlı dar çərçivədə istifadə olmuşdur. Elm və texnikanın inkişafı, hava gəmiləri və kosmik aparatların yaranışı ilə bağlı olaraq naviqasiyanın məzmunu dəyişmişdir. Müasir zamanda ümumi mahiyyətdə naviqasiya bir sıra obyektlərin təyin olunmuş məkandaki hərəkətinin idarə edilməsi prosesi kimi anlaşılır. Bu baxımdan avtomobil naviqasiyası, dəniz naviqasiyası, astronomik naviqasiya, kosmik naviqasiya, hava naviqasiyası, aeronaviqasiya, informasiya naviqasiyası, bionaviqasiya, radionaviqasiya, peyk naviqasiyası, yeraltı naviqasiya, inersial naviqasiya, astroinersial naviqasiyavə s. növlərə ayrılır.