(ingiliscə - level of economic development - iqtisadi inkişafin səviyyəsi) məcmu ictimai məhsul, adambaşına milli gəlir, təbii resurslardan istifadə, istehsalın təşkili və effektivliyi haqqında məlumatları özündə əks etdirən ölkənin ictimai istehsalının inkişaf göstəricisi. Müxtəlif ölkələrin mövcudluğu və inkişafının tarixi və coğrafi şəraitinin müxtəlifliyi, onların sərəncamında olan maddi və maliyyə resurslarının birləşməsi onların iqtisadi inkişaf səviyyəsini hər hansı bir göstərici ilə qiymətləndirməyə imkan vermir. Bunun üçün bütöv göstəricilər sistemi (real ÜDM-in ümumi həcmi, adambaşına ÜDM/ÜMM, iqtisadiyyatın sahəvi quruluşu, adambaşına əsas məhsul növlərinin istehsalı, əhalinin həyat səviyyəsi və keyfiyyəti, iqtisadi effektivlik göstəriciləri) mövcuddur. “Ölkənin iqtisadi inkişaf səviyyəsi” tarixi anlayışdır. Milli iqtisadiyyatın və dünya birliyinin hər inkişaf mərhələsi bütövlükdə onun əsas göstəricilərinin tərkibində bu və ya digər dəyişikliklər edir.