(ingilisə - import substitution model - idxalı əvəzləyən model) - milli sənayenin dünya bazarının təsirindən müdafiəsi ilə əlaqədar sənaye məmulatlarının idxalının yerli istehsalla əvəzlənməsi kursuna əsaslanır. Bu model daxil bazarın təminatının milli istehsalın inkişafının yüksəldilməsi strategiyası üzərində qurularaq proteksionizmi və sərt milli valyuta kursunun dəstəklənməsini şərtləndirərək, tədiyə balansının strukturunun yaxşılaşmasına, daxili bazar tələbinin normallaşmasına, məşğulluğun təminatına, istehsal və elmi potensialın inkişafına zəmin olur. İdxalı əvəzləyən modelin neqativ tərəfi isə özünütəcridlə bağlıdır. Belə ki, bu yönümdə aparılan siyasət zaman keçdikcə ölkəni dünya iqtisadiyyatında gedən meyillərdən kənar edir, sənayenin texnoloji silahlanmasını məhdudlaşdırır, rəqabətqabiliyyətliliyi zəiflədir və resursların idarə edilməsində müəyyən qeyri-səmərəlilik yaradır.