(ingiliscə - level of living - həyat səviyyəsi) - insanların maddi və mənəvi tələbatının vahid zaman çərçivəsində əmtəə və xidmətlər kütləsi ilə təminatlılıq səviyyəsi. Həyat dəyəri (cost of living) və həyat keyfiyyəti (quality of life) kimi sosial indikatorları birləşdirir. Həyat səviyyəsinin və onun keyfiyyətinin yüksəldilməsi iqtisadi artımla müəyyən edilir. Həyat səviyyəsi bir sıra spesifik indikatorları birləşdirir: firavanlıq - insan inkişafını hərtərəfli təmin edən rifahlardan istifadə etmə; normal səviyyə - insanın fiziki və intellektual gücünün rasional, elmi əsaslandırılmış normalarda bərpa edilməsi; əmək qabiliyyətinin və işçi qüvvəsinin təkrar istehsalının müvafiq kasıblıq həddində saxlanılması; yoxsulluq və səfalət - rifah və xidmətlərin minimal bioloji meyarlarda əks olunan insanın həyat qabiliyyətinin saxlanılması.