(ingiliscə - international division of labor - beynəlxalq əmək bölgüsü) - ayrı-ayrı ölkələrin müəyyən məhsul istehsalı üzrə ixtisaslaşmasını ehtiva edən ərazi ictimai əmək bölgüsünün ali forması. Beynəlxalq əmək bölgüsü insan fəaliyyətinin müxtəlif növlərinin keyfiyyət diferensasiyası ilə baş verir. Beynəlxalq əmək bölgüsü - beynəlxalq əmtəə, xidmətlər, biliklər mübadiləsinin obyektiv əsasıdır. O, həmçinin dünyanın bütün ölkələrinin inkişaf səviyyəsindən və ictimai quruluşundan asılı olmayaraq onlar arasında istehsal, elmi-texniki, ticarət və başqa əməkdaşlıq formalarının inkişafının da təməlidir.