(ingiliscə - industrial quarter - sənaye məhəlləsi) kiçik və orta biznesdə istehsal və xidmət sahəsində sahibkarlıq fəaliyyətinin reallaşdırılması üçün zəruri infrastruktura malik ərazi. Sənaye məhəlləsində sahibkar öz müəssisəsi üçün infrastruktur qurulmasına vəsait sərf etmir. Belə ki, sənaye məhəlləsinin ayrı-ayrı sahələrində müəyyən fəaliyyətin həyata keçirilməsi, müvafiq istehsal xəttlərinin qurulması üçün hazır obyektlər nəzərdə tutulmuşdur. Sahibkar isə bütün bunlar üçün böyük olmayan icarə haqqını ödəyir. Bundan başqa sənaye məhəllələrində sahibkarlar üçün müəyyən imtiyazlar da nəzərdə tutulur. Sənayə məhəllərinin ilk növbədə iri rayon mərkəzlərində yaradılması məqsədəuyğun hesab edilir. Azərbaycan Respublikası qanunvericiliyində sənaye məhəlləsi - sahibkarlıq fəaliyyətinin həyata keçirilməsi üçün zəruri infrastruktura malik olan, kiçik və orta sahibkarlar tərəfindən məhsul istehsalı və xidmət göstərilməsi üçün istifadə edilən ərazi kimi təsbitini tapmışdır.